لكن في لحظات قليلة، بتحس إن الفكرة خرجت من الورقة وبقت حقيقة قدامك، وده بالظبط اللي حسيته النهاردة في الاستوديو مع صديقي العزيز د. شريف حماد خبير واستشاري المبيعات العقارية.
اتفقنا من شهور على حاجة واحدة بسيطة: أصحاب الشركات العقارية بيتعلموا يبيعوا كويس، لكن قليل جدًا اللي بيتعلم إزاي يبني شركة تستحمل نجاحها هي نفسها. النمو من غير نظام بيتحول لعبء، مش إنجاز.
من هنا جه “برنامج المدير التنفيذي للشركات العقارية”، مش كمحاضرات نظرية، لكن كتطبيق حقيقي على تحديات بيعيشها أي مؤسس أو مدير تنفيذي في القطاع كل يوم: من يقرر، ومن يبني الفريق، ومن يحوّل الخطة لرقم فعلي على أرض الواقع.
من ناحيتي، هركّز على الجزء اللي بيتنسى غالبًا: كيف تبني هيكلًا وفريقًا يكبر مع شركتك، لا يقف عائقًا في طريقها. ود. شريف هيكمل الصورة من ناحية المبيعات والتسويق، لأن نظامًا قويًا من غير قدرة على البيع الذكي، نصف حل بس.
شكرًا يا دكتور شريف على الثقة والشراكة، وعلى يوم تصوير حسيت فيه إننا مش بنسوّق لبرنامج، إحنا بنبني حاجة هنفتخر بيها.
التفاصيل قريبًا بإذن الله.
